हार्दिक बधाई तथा शुभकामना
"समृद्ध सदस्य दिगो साकोस " परिकल्पनाका साथ अगाडी बढेको यस किसान बचत तथा ऋण सहकारी संस्था लि. ले समुदाय संग पनि सहकार्य गर्दै शेयर सदस्यहरुलाई सेवा दिँदै आएको छ। किसान साकोसको अमरापुरी सेवा केन्द्रले सुन्दरी सामुदायिक वनका नवनिर्वाचित सदस्यहरूलाई हार्दिक बधाई तथा सफल कार्यकालका शुभकामना व्यक्त गरेको छ।
उक्त कार्यक्रममा सेवा केन्द्र संयोजक ठाकुर प्रसाद पाण्डे, सह संयोजक हीरा देवी उपाध्याय घिमिरे सदस्य राम कुमार पाण्डे, सेवा केन्द्र इन्चार्ज उमेश देवकोटा, र कर्मचारी प्रशान्त भुषालको पनि उपस्थिति रहेको थियो।
नवनिर्वाचित सदस्यहरूलाई सम्मान गर्दै "यो अवसरले सामुदायिक वनको संरक्षण, दिगो विकास, र समृद्धिमा तपाईहरूको नेतृत्वले नयाँ युगको सुरुवात गर्ने विश्वास दिलाएको, संस्थाले आगामी दिनमा तपाईहरूसँग सहकार्य गर्दै सामुदायिक हितका कार्यहरूमा योगदान पुर्याउने प्रतिबद्धता व्यक्त गर्दछ। तपाईहरूको कार्यकाल फलदायी, प्रेरणादायी, र उदाहरणीय बनोस्, किसान र सामुदायिक वनको सम्बन्ध प्रगाढ रहोस" भन्ने कामनासहित संयोजक ठाकुर प्रसाद पाण्डेले हार्दिक बधाई तथा शुभकामना व्यक्त गर्नुभयो ।
