किसान बचत तथा ऋण सहकारी संस्था लिमिटेडले सदस्यता केन्द्रित कार्यक्रम अन्तरगत वित्तिय तालिम सम्पन्न गरेको छ। २०८० फागुन १४ गते देखि सुरु भएको उक्त तालिम २४वटा सेवाकेन्द्रहरुमा २/२ दिन सञ्चालनमा रहेको थियो । डेड महिना लामो उक्त तालिमको सुरुवात संस्थाका अध्यक्ष श्री भोजराज पौडेलज्यूले सौर्हाद सेवाकेन्द्रबाट उद्घाटन गर्नुभएको थियो ।
तालिममा संस्थाको जानकारी, आम्दानी र खर्चको लेखाजोख, योजना, बजेट र लगानी, पारिवारिक बजेट तथा त्यसको अभ्यास, पैसा र पैसाको महत्त्व, बैदेशीक रोजगार, बचतको सुत्र, मानिसको आवश्यकता र चाहाना, संस्थाको मोवाइल बैंक सेवा लगाएतका सेवा सुविधाको जानकारी गराउँदै सदस्यहरुलाई कसरी समृद्धिको लक्ष्यमा पुर्याउन सकिन्छ, भन्ने अनुभुति तालिममा गराईएको थियो ।
शिक्षा उपसमितीको संयोजनमा सञ्चालित उक्त तालिममा तोकिएकोे सेवा केन्द्रहरुमा तोकिएका संचालकहरुको विषेश उपस्थिती रहेको थियो । डेढ महिना लामो तालिमको सहजीकरण शिक्षा उपसमिति संयोजक एवं पूर्व अध्यक्ष गोपाल प्रसाद गौतम, नि.वर्तमान अध्यक्ष संचालक समिति सदस्य श्रीहरी चालिसे, सचिव सरस्वती कडेंल, शिक्षा उपसमिति सदस्यहरु गिरी राज उपाध्याय र सुभ राना एवं बिभागिय प्रमुख प्रेम प्रसाद अधिकारी, वरिष्ठ सहायक यानी सरा गाहा र भरत प्रसाद पौडेलले सहजीकरण गर्नु भएको तालिममा सबै सेवाकेन्द्रहरुमा समूह संरचना कार्यक्रममा आवद्ध महिला सदस्यहरुको उत्साह पूर्वक उपस्थिति रहेको तालिममा कुल ४५०० सदस्यहरुको सहभागिता सहित समापन भएको थियो।
